Almaty oblysynda polıtsııa zırattaǵy belgitastardy shımaılap ketkenderdi izdep jatyr

TALDYQORǴAN. QazAqparat - Almaty oblysyndaǵy aýylda hrıstıandar beıitindegi belgitastardy shımaılap ketkender izdestirilip jatyr, dep habarlaıdy QazAqparat tilshisi.

Belgisiz bireýler hrıstıandar zıratyndaǵy 19 belgitasty aerozol boıaýmen shımaılap ketken. Qazir polıtsııa Qylmystyq kodekstiń 294-baby ıaǵnı, vandalızm boıynsha is qozǵap, kinálilerdi izdep jatyr.

Kúdiktiler ustalyp, kinási dáleldense 466 myń teńgeden astam aıyppul salynady nemese qoǵamdyq jumysqa jegiledi. Sondaı-aq 40 táýlikke qamaý jazasy da qarastyrylǵan.

«Fakti áleýmettik jelini monıtorıngileý kezinde anyqtalǵan. Polıtseıler dereý tekserýge kiristi. Anyqtalǵandaı vandalızm oqıǵasy Eńbekshiqazaq aýdany Aşybulaq aýylynda bolǵan. Qazir Qylmystyq kodekstiń 294-baby boıynsha qylmystyq is qozǵalyp, kináliler izdestirilýde», - dedi Almaty oblystyq Polıtsııa departamentiniń resmı ókili Aqbota Ázirbek.