Almaty oblysynda polıtsııa munaradan sekirmek bolǵan jasóspirimdi qutqaryp qaldy
TALDYQORǴAN. QazAqparat - Kámeletke tolmaǵan jasóspirim 5 aqpannan 6-syna qaraǵan túni temirjol deposynda ornalasqan 50 metr munaradan sekirýge tyrysqan, dep habarlaıdy QazAqparat tilshisi.
Almaty oblysy Qaratal aýdandyq polıtsııa bóliminiń «Búrkit-287» patrýldik ekıpajy Úshtóbe qalasynyń turǵyny, 17 jastaǵy jasóspirimniń ómirin saqtap qaldy.
«Polıtsııa leıtenanty - Nurman Omarov pen Maqsut Muhamadıev aldymen jasóspirimdi sózge tartqan. Ol baılanyspaı kelmeı qarsylyq kórsetken. Nurman Omarov jaqyn turǵan munaraǵa kóterilip, kópir boıymen júrip ótip, oǵan jaqyndaǵan «, - dedi Qaratal aýdandyq PB bastyǵy Raýan Ábdiraıymov.
20 mınýtqa sozylǵan kelissózden keıin jas jigit qutqarylyp, qaýipsiz jerge jetkizildi.
«Búginde jasóspirimniń ómirine eshqandaı qaýip tónip turǵan joq. Onymen ıývenaldy polıtsııa qyzmetkerleri men psıhologtar kezdesip, profılaktıkalyq áńgime júrgizdi. Onyń ata-anasyna qatysty QR ÁQBtK - niń 127-baby jáne QR ÁQBtK-niń 442-babymen eki hattama toltyryldy, ıaǵnı kámeletke tolmaǵan balanyń túnde kóshede júrgeni jáne ata-ana quqyǵyn tıisinshe oryndalmaýy boıynsha», - dedi Raýan Ábdiraıymov.
