Almaty oblysynda polıtsııa esirtki saýdagerlerin ustady
TALDYQORǴAN. QazAqparat - Almaty oblysy Esirtki bıznesine qarsy kúres basqarmasy jedel ókilderiniń kúsh jumyldyrýy arqasynda Eńbekshiqazaq aýdanynda esirtki saýdasymen aınalysyp kelgen top quryqtaldy, dep habarlaıdy QazAqparat tilshisi oblystyq Іshki ister departamentiniń baspasóz qyzmetine silteme jasap.
«Esik qalasyndaǵy esirtki saýdasymen aınalysatyn oryndy anyqtap, ony joıý baǵytyndaǵy jedel shara eki apta boıy júrgizilgen. Operatsııa barysynda esirtki bıznesimen aınalysty degen kúdikpen jergilikti eki turǵyn ustaldy. Kúdiktiler buǵan deıin de esirtkini zańsyz taratý boıynsha jaýapkershilikke tartylǵan. Sanktsııalanǵan tekseris barysynda kúdiktilerden asa iri kólemde, naqtyraq aıtqanda shamamen 10 grammǵa jýyq geroın tərkilendi» -, delingen baspasóz baıanynda.
Osyǵan baılanysty esirtkini zańsyz saqtaý jəne satý faktisi boıynsha QR Qylmystyq kodeksiniń 296 jəne 297 baptaryna səıkes qylmystyq is qozǵalǵan. Kúdiktiler qamaýǵa alyndy.
