Almaty oblysynda polıtsııa bes kún buryn joǵalyp ketken kámeletke tolmaǵan qyzdy tapty
ASTANA. QazAqparat - Almaty oblystyq polıtseıleriniń uıymdastyrǵan is-sharalary barysynda Іle aýdanynda iz-túzsiz joǵalyp ketken 16 jastaǵy boıjetken tabyldy.
«Іle AІІB-ge Mejdýrechınsk aýylynda turatyn, iz-túzsiz joǵalyp ketken qyzdyń ata-anasy keldi. Alty kún boıy jedel-izdestirý is-sharalary jalǵasty. Qyz kórshi Qarasaı aýdanynyń aýmaǵynan tabylǵan. Onyń aıtýynsha, boıjetken óziniń qurbysynyń úıinde qonaqta bolǵan. Qazir ol ata-anasynyń úıine qaıtaryldy», - dep habarlady Almaty oblystyq ІІD baspasóz qyzmeti.
Polıtseılerdiń aqparaty boıynsha, boıjetken 12 shilde kúni ata-anasymen urysyp, úıinen shyǵyp ketken. Qazirgi tańda boıjetken men onyń ata-anasymen qajetti profılaktıkalyq áńgime júrgizildi.
