Almaty oblysynda polıtsııa 12 jasóspirimdi ýaqytsha oqshaýlaý ortalyǵyna ornalastyrdy
TALDYQORǴAN. QazAqparat - Almaty oblysynyń «Túngi qaladaǵy balalar» jedel aldyn alý is-sharasynyń aıasynda polıtseıler eki kún ishinde 468 quqyq buzýshylyqty anyqtaǵan, dep habarlaıdy QazAqparat tilshisi.
«Profılaktıkalyq áńgime júrgizý jáne ákimshilik hattama toltyrý úshin polıtsııa organdaryna 400-den astam jasóspirim jetkizildi. 468 tulǵaǵa ákimshilik hattama toltyryldy. Qolaısyz otbasylar esebine 32 januıa qoıyldy»,- dedi Jergilikti polıtsııa basqarmasynyń aǵa ınspektory Medet Qunanbaev.
Onyń aıtýynsha, 30 materıal balalar quqyǵyn qaraıtyn arnaıy komıssııa qaraýyna joldanǵan. Іshki ister organdarynyń arnaıy esebine 49 jasóspirimdi alǵan tártip saqshylary, eki kún ishinde 12 jasóspirimdi ýaqytsha oqshaýlaý ortalyǵyna jetkizgen.
Іs-shara barysynda oblys polıtseıleri 700 astam mekemeniń qyzmetin teksergen. Onyń ishinde meıramhana, kompıýter klýbtary men saýda oryndary bar.
