Almaty oblysynda polıtseıler úıinen qashyp ketken 14 jasar qyzdy izdep tapty
ASTANA. QazAqparat - Almaty oblystyq ІІD baspasóz qyzmetiniń aqparaty boıynsha, Qarasaı aýdanyndaǵy mektepterdiń birinde 8-synyp oqıtyn qyz 12 shilde kúni Іrgeli kentinde turyp jatqan ata-anasynan qashyp ketken.
Onyń týystary ózderi izdep tappaǵan soń, 15 shilde kúni Qarasaı AІІB-ge kelip, kómek suraǵan.
«Kámeletke tolmaǵan qyzdyń osynsha ýaqyt boıy Talǵar aýdanyndaǵy jaldamaly páterlerdiń birinde jasyrynǵany belgili boldy. Ol Almatyǵa jıi baryp júrgen. Jedel is-sharalar barysynda Qarasaı aýdandyq polıtsııa qyzmetkerleri ony Almatydaǵy túngi klýbtardyń birinen tapty. Qazir qyz aman-saý qalpy ata-anasyna berildi», - dep habarlady Almaty oblystyq ІІD baspasóz qyzmeti.
Polıtseıler jasóspirim qyzdyń ata-anasymen ár urysqan saıyn úıinen qashyp ketetinin anyqtady. Bul joly ol týystaryna úıine qaıtyp oralmaıtyny týraly hat jazyp ketken.
«Qashyp ketken qyz ben onyń ata-anasymen profılaktıkalyq áńgimelesý ótkizildi», - dep atap ótti polıtsııada.
