Almaty oblysynda polıtseıler poıyz ústinen eki jasóspirimdi túsirdi

11-21 mamyrda QR ІІM kóliktegi ІІD qyzmet kórsetý aýmaǵy ýchaskelerinde «Qaýipsiz qala» jedel aldyn alý sharasy júrgizilýde, dep habarlady vedomstvonyń baspasóz qyzmeti. Sharany ótkizýge kólik polıtsııasynyń 800-den astam qyzmetkeri, memlekettik organdar men qoǵamdastyq ókilderi jumyldyryldy.

Reıdtik shara barysynda kólik polıtsııasy qyzmetkerleri Baıserke (Almaty oblysy) stansasynda vagon ústinen 2000 jáne 2001 jyly týylǵan eki kámelettik jasqa tolmaǵan jasóspirimdi ustady. Olar poıyzdyń elektr symyna túsip, jaraqat alýy nemese qulap ketýi múmkin edi.

Óz betimen júrgen jasóspirimder jaǵdaıy nashar otbasylardan shyqqany anyqtaldy. Olar kámelettik jasqa tolmaǵandardy beıimdeý ortalyǵyna ornalastyryldy. Ata-analarynda qatysty ákimshilik shara qabyldandy, delingen habarlamada.

Sondaı-aq operatsııanyń birinshi kúninde temir jol jáne áýe kóligi nysandaryndaǵy qoǵamdyq oryndarda halyqtyń mazasyn alǵan 22 adam (10- qaıyr suraý, 6 -jeke tasymal qyzmetin kórsetý, 6 - temir jol vokzaldary men jolaýshylar poıyzynda zattar satýmen aınalysqandar) ustalyp, ákimshilik jaýapkershilikke tartyldy. Quqyq buzýshylar jalpy somasy 150 myńnan astam teńge aıyppul tóledi.