Almaty oblysynda polıtseıler marafony ótti
ASTANA. QazAqparat - Qazaqstandyq polıtsııanyń 25 jyldyǵy qarsańynda Almaty oblysy Іshki ister organdarynyń qyzmetkerleri marafon uıymdastyrdy, dep habarlady óńirdiń ІІD baspasóz qyzmetinen.
600-ge jýyq polıtseı 5 shaqyrym qashyqtyqty júgirip ótti.
«Bul shara qazaqstandyq polıtsııanyń 25 jyldyǵyna arnaldy. Oǵan ár jastaǵy qyzmetkerler qatysty. Olar jarys barysynda erik-jigerlerin kórsetip, tózimdilik tanytty.
Munyń barlyǵy polıtseılerdiń daıyndyq deńgeıiniń kórsetkishi. Polıtsııa qyzmetkeriniń denesiniń shymyr bolǵany mańyzdy», - dep habarlady Almaty oblysy ІІD bastyǵynyń orynbasary Beıbit Kelgenbaev.
Marafon qorytyndysy boıynsha er adamdar arasynda ІІD jedel den qoıý arnaıy jasaǵynyń qyzmetkerleri júırik bolyp shyqty, olar 1, 2 jáne 3 oryndardy ıelendi. Máre qashyqtyǵyn birinshi bop eńsergen Tileýles Toqtabaev, ekinshi Nurjan Batqalbekov, úshinshi bolyp Bekjan Beketaev jetti.
Áıelder arasynda júırikter: Eskeldi AІІB qyzmetkeri Mánshúk Nııazova, ekinshi Alakól AІІB ókili Qundyz Nursultan, úshinshi oryn Eńbekshiqazaq AІІB qyzmetkeri Gúlnaz Sultanaı boldy.
