Almaty oblysynda polıtseı áriptesine oq atty: Birqatar laýazymdy tulǵa jaýapqa tartyldy
ALMATY OBLYSY. QazAqparat- Almaty oblysynda polıtsııa qyzmetkeri janjal kezinde áriptesine oq atty, dep habarlaıdy QazAqparat tilshisi.
«27 sáýirde tún ortasynda Raıymbek aýdanynda eki polıtseı arasynda janjal shyqqan. Saldarynan olardyń biri aýyr jaraqatpen Narynqol aýlyndaǵy aýrýhanaǵa jatqyzyldy»,- dedi Almaty oblysy polıtsııa departamentiniń bastyǵy Serik Kúdebaev.
Atalǵan derek boıynsha QR Qylmystyq kodeksiniń 24-baby 3-bóligi, 99-baby 1-bóligi boıynsha sotaldy tergeý bastady.
«Sonymen qatar jedel qyzmettegi kemshilikter jáne jeke quramǵa baqylaýdy álsiretkeni úshin syrtqy qyzmetterdiń jumysyn qadaǵalaıtyn aýdandyq polıtsııa bóliminiń birinshi orynbasary qyzmetinen bosatyldy», -dep atap etti Polıtsııa departamentiniń bastyǵy.
Áriptester arasyndaǵy janjal kezinde sol jerde bolǵan qyzmetkerler de jumystan shyǵarylyp, birqatar laýazymdy tulǵa qatań tártiptik jaýapqa tartyldy.
Qazirgi ýaqytta jábirlenýshiniń jaǵdaıy qanaǵattanarlyq.
