Almaty oblysynda perzenthana qyzmetkerleri otyrǵan avtobýs aýdaryldy
«Talǵar - Esik - Báıdibek bı» tas jolynda kele jatqan Mercedes-Benz Sprinter júrgizýshisi Sataı aýylynyń mańynda kólik tizginine ıe bola almaı qalǵan. Kún tuman, jol kóktaıǵaq bolyp turǵan.
«14 aqpanda saǵat 07.40 kezinde Eńbekshiqazaq aýdandyq polıtsııa bólimine «Talǵar - Esik - Báıdibek« tas jolynyń 72-shi shaqyrymynda jol-kólik oqıǵasy tirkelgeni týraly aqparat tústi. Oqıǵa ornyna tergeýshi-jedel top qyzmetkerleri birden shyqty. Belgili bolǵandaı, 41 jastaǵy júrgizýshi tuman men kóktaıǵaq jaǵdaıynda rýlge ıe bola almaı, kólik aýdarylǵan», - dep habarlaıdy Almaty oblysynyń Polıtsııa departamentiniń baspasóz qyzmetinen.
Jol apaty saldarynan úsh adam travmatologııalyq bólimge jetkizilgen. Dárigerdiń tekserýinen keıin 19 adam úıine qaıtaryldy.