Almaty oblysynda pedofıl 9 jastaǵy balany zorlamaq boldy
TALDYQORǴAN. QazAqparat - Almaty oblysynda jantúrshigerlik jaǵdaı oryn aldy. Alańsyz oınap júrgen 9 jastaǵy qyz balany pedofıl súırep áketip, jymysqy oıyn júzege asyrmaq bolǵan, dep habarlaıdy QazAqparat tilshisi.
Sarqan aýdanynyń prokýrory Erlan Andabaevtyń aıtýynsha, oqıǵa 21 mamyr kúni Sarqan qalasynda bolǵan. Kúndizgi saǵat 16:00-der shamasynda ishimdikke sylqııa toıǵan 1988 jyly týǵan azamat kishkentaı qyzdy zorlaýǵa árekettengen. Ol kóshede oınap júrgen qyzdy kózden tasa jerge alyp barǵanymen, aram oıyn júzege asyra almaǵan. Abyroı bolǵanda, turǵyndar der kezinde kómekke kelip, 9 jasar balany azǵynnan arashalap alǵan. Jasóspirimniń jaǵdaıy qazir qalypty. Ata-anasymen birge. Biraq, osy jaıttan keıin qatty shoshynyp qalǵan.
Qazir atalǵan fakti boıynsha qylmystyq is qozǵaldy. Kúdikti azamat abaqtyǵa qamaldy. Eger aıyptalýshynyń qylmysy dáleldense ol 15-20 jylǵa deıin nemese ómir boıyna bas bostandyǵynan aıyrylýy múmkin.
