Almaty oblysynda «Patrıot» jobasynyń jeńimpazy AQSh-qa joldama alady
TALDYQORǴAN. QazAqparat - Erteń Taldyqorǵanda «Patrıot» realıtı shoýynyń jeńimpazy anyqtalady. Elimizde buryn-sońdy bolmaǵan jarystyń júldegeri AQSh-qa joldama alady, dep habarlaıdy QazAqparat tilshisi.
«Jastar» sport saraıynda ótetin shoýǵa Almaty oblysynyń ákimi Amandyq Batalov, Olımpıada chempıondary Ermahan Ybyraıymov pen Baqtııar Artaev arnaıy kelip, jarysty tamashalaıdy dep kútilýde. Tipti kórermender úshin de tosyn syı kóp bolmaq. Jankúıerler arasynda Túrkııa eline bir joldama oınatylady.
Saǵat 18.00-de bastalatyn dodada 10 bylǵary qolǵap sheberi sharshy alańǵa shyǵyp, baqtaryn synaıdy.
Aıta ketý kerek, «Patrıot» realıtı-shoýy 19 qarasha kúni bastaldy. Almaty oblysynyń ár aımaǵynan 16 sportshy baqtaryn synap, kil myqtylary aqtyq synǵa joldama aldy. Almaty oblystyq Іshki saıasat basqarmasy men óńirlik kommýnıkatsııa jáne Jastar alıansynyń birlese uıymdastyrǵan jobanyń bas júldesi de qomaqty. Jeńimpazǵa AQSh-tyń Las Vegas qalasyna joldama beriledi. Naqtyraq aıtqanda, jeńimpaz búkil álemdegi eń myqty Freddı Roýchtyń zalynda jattyǵýǵa múmkindik alady. Al bul jarysta 18 ben 22 jastaǵy jigitter baq synasýda. Qatysýshylarǵa arnaıy forma tigilgen, ár kıimge patrıot shoýynyń logotıpi basylǵan. Realıtı-shoýdy jas akter, «Jaý júrek myń bala» fılminiń basty róliniń birin somdaǵan Aıan Ótepbergen júrgizedi.
