Almaty oblysynda páter urlyqtarynyń sany azaıdy
TALDYQORǴAN QazAqparat - Almaty oblysynda páter urlyqtarynyń jalpy sany 39,7 paıyzǵa tómendedi, onyń 91 paıyzy jeke turǵyn úılerde bolsa, kópqabatty úılerdegilerdiń sany 8,7 paıyzyn qurady, dep habarlaıdy QazAqparat tilshisi.
Ózgeniń múlkin tonaýǵa jasalǵan taldaý barysynda páter urlyqtary terezelerdi syǵymdaý, kiltterdi tańdaý, esikterdi buzý, sondaı-aq jeldetkishter arqyly ishke ený jáne keıbir jaǵdaıda emin-erkin kirý arqyly oryn alatyny anyqtaldy.
Almaty oblystyq Polıtsııa departamenti baspasóz qyzmetiniń málimeti boıynsha, páter urlyqtaryn ashý kórsetkishi 10 % jaqsarǵan. Olardyń ishinde buǵan deıin jasalǵan qylmystar da bar.
Sonymen qatar, jyl basynan 28 qylmystyq top ustalyp, ózgeniń múlkin qoldy qylýdyń 81 deregine qatysy bary dáleldendi. Sondaı-aq, qolǵa túsken páter tonaýǵa mashyqtanǵan 19 qylmystyq toptyń 52 urlyq jasaǵany áshkere boldy. 9 barymtashylar toby anyqtalyp, olar jasaǵan 29 mal urlyǵynyń 13 deregi aýyr qylmystar sanatyna jatqyzyldy.
