Almaty oblysynda páter tonaýshylar ustaldy
TALDYQORǴAN. QazAqparat - Almaty oblysynda páter tonaýshylar ustaldy. Jambyl aýdandyq ІІB urylardyń bes múshesin qolǵa túsirdi, qazir kúdikteler qamaýda otyr, dep habarlaıdy «QazAqparat» tilshisi.
Ustalǵan adamdardyń bes birdeı páter urlyǵyna qatysy bar ekeni dáleldendi. Toptyń baǵaly áshekeı buıymdarmen tehnıkalyq zattardy qoldy qylǵany anyqtaldy. Qazirdiń ózinde keltirilgen shyǵyn 1 mln teńgeden asyp ketken. Oblystyq ІІD mamandarynyń málimetinshe, urylardyń qylmysyn dáleldeıtin zattar bar. Onyń ishinde áshekeı buıymdar, teledıdar syndy dúnıeler tintý barysynda tabylǵan.
Ustalǵan adamdardyń jasy 25 pen 35 jas aralyǵynda. Almaty oblysynyń Qarasaı jáne Jambyl oblysynyń Qordaı aýdandarynyń turǵyndary. Qazir atalǵan azamattardyń ózge de qylmystarǵa qatysy bar-joǵy anyqtalyp jatyr.
Eske sala keteıik, Almaty qalasynda ótetin 28-shi qysqy Ýnıversıada oıyndaryna baılanysty Almaty oblysynda «Quqyqtyq tártip» sharasy bastalǵan bolatyn. Polıtsııa qyzmetkerleri belsene júrgizip jatqan bul sharaǵa myńǵa jýyq qyzmetker tartylǵan. Olar Almaty qalasyna jaqyn ornalasqan oblystyń Talǵar, Qarasaı, Іle, Jambyl jáne Eńbekshiqazaq aýdandaryn qamtýda. Barysynda birqatar baǵytta, atap aıtqanda kóshi-qon, esirtki bıznesimen kúres, sondaı-aq lıtsenzııalyq-ruqsattama boıynsha reıdter ótkizedi. Basty maqsat - oblys boıynsha jedel jaǵdaıdy turaqtandyrý jáne quqyq buzýshylyqtyń aldyn alý.
