Almaty oblysynda paraplanerlyq sporttan jarys ótýde
TALDYQORǴAN. QazAqparat - Almaty oblysy Eskeldi aýdanynda paraplanerlyq sport túrinen halyqaralyq Azııa chempıonaty bastaldy. Oǵan Qazaqstanmen qatar Japonııa, Úndistan, Reseı, Taıland, Qytaı jáne Ońtústik Koreıa elderiniń sportshylary keldi, dep habarlaıdy oblys ákimdiginiń baspasóz qyzmeti.
Atalmysh saıys Azııa elderi arasynda úshinshi, al bizdiń óńirimizde halyqaralyq deńgeıde alǵash ret ótkizilip otyr. Sharanyń saltanatty ashylýynda oblystyq dene shynyqtyrý jáne sport basqarmasynyń basshysy Turatbek Sharapıev quttyqtaý sóz sóıledi.
Sonymen qatar halyqaralyq Avıasport federatsııasynyń tóraǵasy R. Belchýna sóz alyp, jarysqa qatysýshylarǵa sáttilik tiledi.
Ereje boıynsha, áýede ushatyn sportshylar belgilengen baǵytty jyldam aralyqta ushyp ótip, kórsetilgen núktege barynsha dál qoný arqyly baq synaıdy. Talap boıynsha, eń kemi 30 - 100 shaqyrym aralyǵynda ushýy tıis.
Jarystyń maqsaty - paraplanerlyq sport túriniń deńgeıin kóterip, eń úzdik Azııa chempıondaryn daıyndaý.
Sportshylar saıysyna tóreshiler Anglııa, Nıderland, Indonezııa, Saýd Arabııasy, jalpy álemniń segiz elinen kelgen. Chempıonat aptanyń sońyna deıin jalǵasady.
