Almaty oblysynda paraqor polıtseıge úkim shyqty
TALDYQORǴAN. QazAqparat - Almaty oblysynda para alǵan jol polıtseıine úkim shyqty, dep habarlaıdy QazAqparat tilshisi.
Alakól aýdanynyń soty R. esimdi azamattyń múlkin tárkilep, memlekettik qyzmette laýazymdardy atqarý quqyǵynan ómir boıyna aıyrdy. Sondaı-aq oǵan paranyń alpys eselengen somasy mólsherinde aıyppul salyndy.
Sot materıaldaryna sáıkes jol polıtsııasynyń qyzmetkeri R. júrgizýshi B. esimdi azamattan ákimshilik jaýapkershilikke tartpaý jáne júk tasymaldaý kezinde jalpy qamqorlyǵy úshin 50000 teńge para alǵany anyqtaldy. Sot barysynda aıyptaýshy tarap pen sottalýshy arasynda kináni moıyndaý týraly protsestik kelisim jasaldy. Nátıjesinde paraqor polıtseı el qazynasyna 3 mln teńge kóleminde aıyppul tóleıdi. Sot úkimi áli zańdy kúshine eńgen joq.
