Almaty oblysynda «PARADISE ZHETYSU» jobasy iske asyryldy

TALDYQORǴAN.QazAqparat -  Elbasynyń «Tsıfrlyq Qazaqstan» baǵdarlamasy aıasynda Jetisýdyń ásem jerlerin kórsetý maqsatynda «PARADISE ZHETYSU» jobasy daıyndalǵan. 

Atalmysh joba Jetisý jeriniń tarıhı derekterine súıenip, oblystyń týrızm salasyn nasıhattaýǵa baǵyttalǵan. Bul týraly Óńirlik kommýnıkatsııalar qyzmeti alańynda joba avtorlarynyń biri Ádilbek Ábilov baıandady, dep habarlaıdy QazAqparat tilshisi.

«Jumys barysy óte qyzyqty boldy. Ózim osy Jetisý óńirinde týǵandyqtan, bul jobany bar yntamen oryndaýǵa tyrystym. Jalpy vıdeorolık jer jannaty Jetisýdyń týrızmin damytý úshin daıyndalǵan», - dedi joba avtorlarynyń biri Talǵat Shiderbaev.

«PARADISE ZHETYSU» jobasynda uzaqtyǵy 2 mınýttyq rolıkty  «Adobe photoshop», «Adobe Premiere», «Corel drow», «Houdini», «Maya», «3d element plagine» baǵdarlamalary arqyly jasaǵan.

 «Jobada óz tarapymnan 4 baǵdarlamany qoldandym. Men birinshi ret osy rolıkte 3d grafıkalyq «Blender» baǵdarlamasyn paıdalandym. Bul baǵdarlama tegin ári yńǵaıly. Atalmysh  baǵdarlamada Jetisý jerin jáne Qazaqstannyń kartasyn modeldep, qozǵalysqa keltirdim. Daıyn bolǵan  vıdeony «Adobe after effect» baǵdarlamasyna  salyp óńdedim»,- deıdi T.Shiderbaev.

Aıta ketý kerek, 5 adamnan quralǵan top jobany 2 aı ishinde daıyndaǵan.