Almaty oblysynda para alyp, jazany jeńildetpekshi bolǵan tergeýshi sottaldy
TALDYQORǴAN. QazAqparat - Almaty oblysy, Kóksý aýdanyndaǵy Іshki Іster basqarmasynyń tergeýshisi sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Kóksý aýdandyq sotynda aýdandyq Іshki ister bóliminiń tergeýshisi І.Esimjanovqa qatysty qylmystyq is qaralǵan bolatyn.
Materıalǵa sáıkes, Kóksý aýdandyq Іshki ister bóliminiń tergeýshisi óziniń óndirisindegi qylmystyq is boıynsha kúdikti retinde ótetin D. atty azamattyń jazasyn jeńildetpekshi bolǵan. Protsessýaldyq kelisim jasaý arqyly onyń jazasyn jenildetemin dep járdem kórsetkeni úshin odan 325 myń teńge kóleminde para alǵan.
Sot úkimimen Kóksý aýdanynyń Іshki ister basqarmasynyń tergeýshisi Qazaqstan Respýblıkasy Qylmystyq kodeksiniń 366-babynyń 2-bóligimen («Para alý») kináli dep tanyldy. Múlki tárkilendi. Memlekettik qyzmette laýazymdyq qyzmetterdi atqarý quqyǵynan ómir boıyna aıyryldy. 3 jyl merzimge bas bostandyǵynan aıyrý jazasy taǵaıyndaldy.
