Almaty oblysynda para alǵan mektep dırektoryna úkim shyqty
TALDYQORǴAN.QazAqparat - Almaty oblysynyń Raıymbek aýdanynda para alǵan mektep dırektoryna sot úkim shyǵardy, dep habarlaıdy QazAqparat tilshisi.
Oqý ornynyń basshysy A.J. esimdi azamatshadan 100 myń teńge kóleminde para alǵan. Qyzmettik babyn asyra paıdalanǵan dırektordyń kinási dáleldenip, oǵan alǵan parasynyń 50 eselengen somasy kóleminde, ıaǵnı 5 mln teńge aıyppul salyndy.
Sondaı-aq mektep basshysynyń múlki tárkilenip, oǵan ómir boıy memlekettik qyzmette jáne uıymdastyrýshylyq-basqarýshylyq quqyǵyndaǵy memlekettik uıymdarda qyzmet isteýge tyıym salyndy.
Sot barysynda aıyptalýshy kinásin moıyndap prokýrormen protsessýaldyq kelisim jasaldy.
