Almaty oblysynda panasyz adamdy soqqyǵa jyqqan eki jasóspirim ustaldy
TALDYQORǴAN. QazAqparat - Almaty oblysynda turaqty mekeni joq azamatty soqqyǵa jyqty degen kúdikpen eki jasóspirim ustaldy. Oqıǵa Qapshaǵaı qalasynda boldy, dep habarlaıdy QazAqparat tilshisi.
Qalanyń aýrýhanasyna 58 jastaǵy turaqty mekeni joq azamat es-tússiz kúıde túsken. Tekserý barysynda jábirlenýshini emdeý mekemesine ortalyq saıabaqtan jetkizgeni belgili boldy. Tártip saqshylary ol jerden oqıǵa kýágerin taýyp, túsinikteme alǵan. Kýáger egde adamdy eki jasóspirimniń aıaýsyz soqqyǵa jyqqanyn rastap berdi. Qatygez balalar 17 jasta. Qalanyń keshki mektebinde oqıtyny anyqtaldy.
Almaty oblystyq polıtsııa departamenti baspasóz qyzmetiniń málimetinshe buzaqylar qamaýǵa alyndy. Al jaǵdaıy óte aýyr jábirlenýshi áli esin jıǵan joq. Qazirgi tańda adam densaýlyǵyna qasaqana aýyr nuqsan keltirý deregi boıynsha tergeý amaldary jalǵasyp jatyr.
