Almaty oblysynda ózennen er adamnyń máıiti tabyldy
TALDYQORǴAN.QazAqparat - Almaty oblysynda ózennen er adamnyń máıiti tabyldy. Múrdeni jergilikti turǵyndar taýyp alǵan, dep habarlaıdy QazAqparat tilshisi.
Qaskóı er adamdy jaýyzdyqpen óltirgen. Arnaıy saraptama barysynda jeti jerinen pyshaq salǵany anyqtaldy. Talǵar ózeninen tabylǵan adam Balqash aýdanynyń turǵyny eken. Qazir osy qandyqol qylmysty jasady degen kúdikpen 39 jastaǵy Qaratal aýdanynyń turǵyny ustalyp, qamaýǵa alyndy.
«Kúdikti er adammen ishimdik iship otyryp, janjaldasyp qalǵan. Aqyry til tabysa almaǵan azamat janyndaǵy tanysyn óltirip tynǵan. Kúdikti azamat buǵan deıin de jaýapkershilikke tartylǵan. Qazir qandy oqıǵanyń tolyqqandy mán-jaıy anyqtalýda», dedi oblystyq ІІD baspasóz qyzmeti.
Osy oqıǵaǵa baılanysty qazir QR QK 99 baby ıaǵnı, «Adam óltirý» faktisi boıynsha tergeý jalǵasýda. Іspen Talǵar aýdandyq ІІB aınalysýda.
