Almaty oblysynda ózenge aǵyp ketken 3 jasar búldirshindi beıtanys azamat qutqaryp qaldy
TALDYQORǴAN. QazAqparat – Almaty oblysyndaǵy Tekeli qalasynda 3 jasar bala aǵysy qatty ózenge qulap ketti, dep habarlaıdy QazAqparat.
Ony ózen jaǵasynda otyrǵan azamattardyń biri qutqaryp aldy. Aǵysy qatty Qora ózeninde aǵyp bara jatqan kishkentaı balany kórgen beıtanys adam birden kómekke umtylǵan. Ol ózenge oılanbastan sekirip, aǵyspen arpalysqan balany qutqaryp aldy.
Tekeli qalasynyń ákimdigi taratqan aqparatqa sáıkes, 3 jastaǵy bala ózenge baıqaýsyzda qulap ketken. Qazir Nısa esimdi kishkentaıdyń densaýlyǵy qalypty.
«Aǵysy qatty Qora ózeninen sábıdi Dáýren Jarqynbekov atty azamat qutqaryp qaldy. Erlik - bilekte emes, júrekte degendeı sý jaǵasynda dosymen otyrǵan Dáýren aǵyp bara jatqan sábıdi kórgende, oılanbastan ózenge sekirip túsip, 3 jasar Nısany jaǵaǵa alyp shyqqan. 2001 jylǵy Dáýrenniń áreketi úlken erlik. Ol beıbit kúnniń batyry. Balaǵa - jańa ǵumyr, ata-anaǵa - qýanysh syılaǵan Dáýrenniń erligi - barshaǵa úlgi. Eli maqtanar erimiz aman bolsyn», - delingen ákimdiktiń habarlamasynda.
