Almaty oblysynda ózen-kólderde sý deńgeıi kóteriledi

NUR-SULTAN. QazAqparat - Almaty oblysynda ózendegi sý deńgeıi kóterilýi múmkin, dep habarlaıdy QazAqparat.

«Qazgıdromet» RMK taratqan málimetke sáıkes, 7-9 naýryz aralyǵynda Almaty oblysynda kún jylynyp, qar aralas jańbyr jaýady.

«Osyǵan baılanysty taýly aýdandarda qar tez erip ketýi múmkin. Saldarynan taý betkeılerinde sý aǵyny paıda bolady, ózen-kólderdegi sý deńgeıi kóteriledi» dep málim etti kásiporynnyń baspasóz qyzmeti.

Sınoptıkterdiń boljamynsha, 8-9 naýryzda Іle Alataýy, Jetisý, Qyrǵyz Alataýy men Talas Alataýynda, Batys Altaı men Tarbaǵataıda qatty jaýyn-shashyn jaýady, tuman túsedi.

Jel ekpini ońtústik-batys baǵyttan soltústik-shyǵys baǵytqa aýysady.

8 naýryz kúndiz, 9 naýryz táýlik boıy keı jerlerde jel qarqyny 15-20 m/s jetedi.