Almaty oblysynda ózen-kólderde sý deńgeıi kóteriledi
TALDYQORǴAN. QazAqparat - Almaty oblysyndaǵy ózen-kólderde sý deńgeıi kóteriledi, dep habarlaıdy QazAqparat «Qazgıdromet» RMK baspasóz qyzmetine silteme jasap.
Kásiporyn taratqan málimpetke sensek, 17-19 shilde aralyǵynda taýly jerlerde jańbyr jaýady.
«Osyǵan baılanysty Almaty oblysynyń taýly aýdandarynda betkeıde aǵyn qalyptasady jáne ózenderde sý deńgeıi kóteriledi» delingen habarlamada.
Aıta keteıik, 14 shilde kúni Almaty oblysynyń Kerbulaq aýdanynda nóser jańbyrdan keıin qatty sel júrgen bolatyn.
«Kóksý shatqalynda jańbyr men burshaq jaýyp, saldarynan balshyq aǵyny júrip ótti. Osyǵan baılanysty Kóksý orman sharýashylyǵynyń birinshi kordonyna aparatyn jol jabyldy. Qazir sel toqtady. Jol tazartyldy. Zardap shekkender joq», - dep habarlady oblystyq tótenshe jaǵdaılar departamentinen.
Kún raıyna baılanysty tótenshe jaǵdaılar departamenti oblys turǵyndaryn aýa raıyndaǵy ózgeristerdi baqylap, saqtyq sharalaryn umytpaýǵa shaqyrady.
