Almaty oblysynda Ózbekstannan toıdan kelgen áıelden koronavırýs anyqtaldy
TALDYQORǴAN. QazAqparat - Almaty oblysynda koronavırýs dıagnozymen taǵy 2 adam tirkeldi. Olar Qarasaı jáne Eńbekshiqazaq aýdanynda anyqtaldy, dep habarlaıdy QazAqparat tilshisi.
Almaty oblysy ákimdigi baspasóz qyzmetiniń málimetinshe, birinshi jaǵdaıda ınfektsııa Qarasaı aýdany Kemertoǵan aýylynda turatyn 41 jastaǵy áıelden anyqtaldy. Ol Qarasaı aýdandyq ınfektsııalyq aýrýhanasyna jatqyzyldy. Onymen qarym-qatynasta bolǵan 6 adam, sonyń ishinde óziniń kúıeýi men 2020 jyly týǵan sábıi karantınge alyndy.
Ekinshi jaǵdaıda aǵaıyn-týystar Ózbekstanǵa úılený toıyna óz shaǵyn avtobýstarymen barǵan. 14 adamnyń Ózbekstannan kelgeni týraly málimetterdi Túrkistan oblysyndaǵy sanıtarlyq-epıdemıologııalyq mamandar habarlap, oblysqa kelgen bette olar provızorlyq statsıonarǵa jatqyzylǵan. Sonyń ishinde 60 jastaǵy áıelden vırýs anyqtaldy. Qazir ol Qarasaı aýdandyq ınfektsııalyq aýrýhanasyna jatqyzyldy, al qarym-qatynasta bolǵan ózgeleri karantınde.
Jalpy, 29 naýryzdaǵy jaǵdaı boıynsha Almaty oblysynda indetke shaldyqqandar sany – 6.
