Almaty oblysynda Ózbekstannan kelgen 70-ten astam gastarbaıter anyqtaldy
TALDYQORǴAN. QazAqparat - Panfılov aýdany prokýratýrasynyń qyzmetkerleri polıtseılermen birge ótkizgen reıdtik sharanyń barysynda Jarkent qalasynyń salynyp otyrǵan nysandardyń birinde eńbek qyzmetin zańsyz júzege asyrǵan 73 ózbekstandyq azamatty anyqtady.
Panfılov aýdanynyń prokýrory Aıdyn Tórebekovtyń habarlaýynsha, sheteldikterdiń qujattaryn tekserý kezinde olardyń Qazaqstan Respýblıkasynda eńbek qyzmetin zańsyz túrde - jumysqa ornalasý ruqsatyn alýsyz júzege asyrǵany anyqtaldy.
«Tekserý qorytyndylary boıynsha biz Panfılov AІІB bastyǵynyń atyna zańdylyqtyń buzylýyn joıý týraly usynys engizdik. Kináli tulǵalarǵa qatysty ákimshilik hattamalar toltyrylyp, sot qaraýyna jiberildi», - dep túsindirdi A.Tórebekov.
Joǵaryda atalǵan azamattar aıypty dep tanylyp, Qazaqstan Respýblıkasy Ákimshilik quqyq buzýshylyqtar týraly kodeksiniń 517-babynyń 5-bólimimen ákimshilik jaýapkershilikke tartyldy.
