Almaty oblysynda ózbekstandyq jerlesin óltirdi degen kúdikpen ustaldy
TALDYQORǴAN. QazAqparat - Almaty oblysynda Ózbekstannyń 33 jastaǵy azamaty óz jerlesin óltirdi degen kúdikpen ustaldy. Qaıtys bolǵan adam da, kúdikti de qurylysta jumys istegen, dep habarlaıdy QazAqparat tilshisi.
Almaty oblystyq Polıtsııa departamentindegi baspasóz qyzmetiniń málimetinshe, bul fakti 27 shildede Uıǵyr aýdanynyń Shonjy aýylynda tirkelgen. Jeke basyn anyqtaý kezinde jábirlenýshi Ózbekstan azamaty ekeni anyqtaldy.
«Ekeýi de, jábirlenýshi men kúdikti shilde aıynda eńbek sharty boıynsha Qazaqstanǵa kelip, Shonjy aýylynyń qurylys nysandarynyń birinde jumys istegen. Olar jaldamaly páterde turǵan. Ekeýiniń arasynda janjal týyndap, arty kisi ólimimen aıaqtalyp otyr. Qazir kisi óltirý faktisi boıynsha qylmystyq tergeý júrgizilýde. Kúdikti qamaýǵa alyndy»,-dep málimdedi Almaty oblystyq Polıtsııa departamentiniń baspasóz qyzmetinen.
Vedomstvonyń aqparatyna sáıkes, asúı pyshaǵy tergeý materıalyna aıǵaq zat retinde tárkilengen. Al eki er adamnyń arasynda janjaldyń neden týyndaǵany tergeý barysynda anyqtalady.
