Almaty oblysynda óz-ózine qol jumsamaq bolǵan er adamdy jasóspirim qutqaryp qaldy
TALDYQORǴAN. QazAqparat - Almaty oblysynyń Talǵar aýdanyndaǵy «Arystan» mamandandyrylǵan lıtseıiniń 11 synybynda oqıtyn jasóspirim er azamatty ólimnen qutqaryp qaldy, dep habarlaıdy QazAqparat tilshisi.
Polıtsııanyń aqparatyna sáıkes, Mıras Beısen er adamnyń Talǵardaǵy kópirden sekirgenin kórip, birden kómekke júgirgen. Ol sol sátte janyndaǵy dosyna dereý polıtsııa men jedel járdemge qońyraý shalýdy tapsyryp ózi aǵysy qatty ózenge túsip, er azamatty jaǵaǵa shyǵarǵan. Artynsha polıtsııa men jedel járdem de dereý oqıǵa ornyna jetken. Qazir bul oqıǵa QR QK 105 baby, ıaǵnı óz-ózine qol jumsaýǵa ıtermeleý faktisi boıynsha tirkelgen. Tergeý barysynda anyqtalǵandaı, er adam óz-ózine qol jumsaǵysy kelgen. Jábirlenýshiniń aıaǵy synǵan jáne bas-mı jaraqatyn alǵan.
«Ázirge ony mundaı áreketke ne ıtermelegeni belgisiz»,- dep málimdedi polıtsııa qyzmetinen.
