Almaty oblysynda oınap júrgen bala qudyqqa qulap mert boldy
NUR-SULTAN. QazAqparat – Almaty oblysynda 8 jastaǵy bala abaısyzda qudyqqa qulap qaza boldy, dep habarlaıdy QazAqparat TJD baspasóz qyzmetine silteme jasap.
«19 qańtar kúni saǵat 17:10-da Almaty oblysynyń TJ departamentine 2012 jyly týǵan ul bala saǵat 15:40 shamasynda Jambyl aýdany Aqterek aýylynyń shetinde oınap júrip, óziniń abaısyzdyǵynan sýy bar ashyq qudyqqa (eski sýmen jabdyqtaý júıesi, jumys istemeıdi, qaqpaǵy joq, tereńdigi 2 metr) qulap, oqıǵa ornynda kóz jumǵany týraly málim etilgen» delingen habarlamada.
Oqıǵa ornyna «Tarǵap» QR ІІM TJK Apattar medıtsınasy ortalyǵynyń trassalyq-medıtsınalyq qutqarý, Almaty oblysynyń TJD, Jambyl aýdanynyń ROP qyzmetkerleri shuǵyl jetken.
QR ІІM TJK ata-analardy balalardyń qaýipsizdigine beı-jaı qaramaýǵa, olardy qaraýsyz qaldyrmaýǵa shaqyrady.
