Almaty oblysynda ovcharka óziniń ıesin talap tastady
TALDYQORǴAN. QazAqparat - Almaty oblysynda kavkaz ovcharkasy óziniń ıesine tap berip, 43 jastaǵy áıel qolsyz qaldy, dep habarlaıdy QazAqparat tilshisi.
Qazir Janna esimdi áıeldiń sol qolyn shyntaǵynan tómen kesip tastady. Qazir ol Qaskeleńdegi aýrýhanada em alyp jatyr.
43 jastaǵy áıeldiń joldasy Sergeıdiń aıtýynsha, áıeline kavkaz ovcharkasy tap bergen.
«Itti asyraǵanymyzǵa bir jyldaı ýaqyt bolǵan. Bul sumdyq oqıǵa bolǵanda ózim úıde bolmadym. Áıelim ıtke sý bermek bolǵanda, oǵan ıt tap bergen. Ittiń salmaǵy shamamen 80 kelideı, ol óte iri. Qazir joldasymnyń aman qalǵanyna shúkir etip otyrmyz», - dedi QazAqparat tilshisine Sergeı.
Al Almaty oblystyq Densaýlyq saqtaý basqarmasynyń ókiliniń aıtýynsha, ıt naýqastyń qolyn qatty talaǵany sonsha kesýden basqa amal qalmaǵan.
«Jaraqattyń aýyr bolýyna baılanysty naýqastyń qoly shyntaǵynan tómen kesildi. Qazir onyń jaǵdaıy qalypty. Emin Qaskeleńdegi aýrýhanada qabyldap jatyr», - vedomstvonyń ókili Láılim Áýbakırova.
