Almaty oblysynda ótken jyly 16 myńǵa jýyq adam obyr dıagnozymen esepke alynǵan
2020 jylmen saltyrǵanda aýrý kórsetkishi 23 paıyzǵa artyp otyr. Ókinishtisi, 1206 adam osy jazylmas syrqattan kóz jumǵan.
Mamandar indet jasaryp kele jatyr dep dabyl qaǵýda. Naýqastardyń 12,7 paıyzy sút beziniń obyrymen kósh basynda tur. Ekinshi orynda asqazannyń qaterli isigi, úshinshi orynda ókpe obyry.
Derttiń asqynýyna jol bermeýdiń birden-bir joly ýaqtyly skrınıngten ótip, múmkindiginshe jylyna bir tekserilip turý. Onkologtar bul qyzmet tegin júrgiziletinin aıtyp, shaqyrtý jasasa da, turǵyndar óz densaýlyǵyna salǵyrt qarap, der kezinde kómekke júginbeıdi, deıdi dárigerler.
«Sondyqtan halyqqa aıtarymyz erterek kelip qaralý kerek. Sizdi erte satyda anyqtasaq, sizdiń ómir súrý uzaqtyǵyńyz 15-20 jylǵa deıin artýy múmkin»,- dedi Almaty oblystyq kópsalaly klınıka dırektorynyń orynbasary Gúlaıym Orazbekova.