Almaty oblysynda otbasyn qutqarmaq bolǵan áke ulymen birge kóz jumdy
TALDYQORǴAN. QazAqparat - Almaty oblysynda jer úı órtenip, ákesi men balasy qaza tapty, dep habarlaıdy QazAqparat tilshisi.
Qaıǵyly jaǵdaı 5 qazan kúni Eńbekshiqazaq aýdanyndaǵy Jańashar aýyldyq okrýgine qarasty Alııt saıajaıynda bolǵan. Aýrýhanaǵa jetkizilgen ákesi men balasy alǵan kúıikteriniń aýyrlyǵynan 6 qazan kúni jan tapsyrdy.
«Otbasynyń baspanasy órtengen. Er azamat balasy men áıelin qutqarmaq bolyp, qyzyl jalynǵa kúıgen. 1989 jylǵy er adam aýrýhanada qaıtys boldy. 2012 jylǵy balasy da aýrýhanada kóz jumdy», - dedi Almaty oblystyq Tótenshe jaǵdaılar departamentiniń baspasóz qyzmetiniń ókili Azamat Jurtbaev.
Atalǵan vedomstvonyń málimetine sáıkes, aldyn ala boljam boıynsha órt qaýipsizdik erejelerin buzý saldarynan bolǵan. ıAǵnı, peshtiń murjasy men janǵysh zattardyń arasyndaǵy ara qashyqtyq saqtalmaǵan.
