Almaty oblysynda osy aıda 978 adam koronavırýs juqtyrǵan
TALDYQORǴAN. QazAqparat - Almaty oblysynda ótken aımen salystyrǵanda koronavırýs juqtyrǵandar sany 0,9 paıyzǵa artqan. Jeltoqsan aıynyń basynan 1000-ǵa jýyq adamnan vırýs anyqtaldy, - dep habarlaıdy QazAqparat tilshisi.
Sondyqtan óńirde karantın sharalaryn kúsheıtý jumystary jalǵasady. Búginnen bastap ujymdyq korporatıvter men erteńgilikterdi ótkizýge qatań tyıym salyndy. Qoǵamdyq tamaqtaný oryndary jumysyn jalǵastyrǵanymen 50 adamnan artyq qabyldamaýy tıis. Oblys ortalyǵy Taldyqorǵanda qańtardyń besine deıin sport sektsııalary, úıirmeler men basseınder jumys istemeıdi. Barlyq bilim oshaqtaryndaǵy kezekshi synyptar onlaın formatqa kóshirildi.
«50 adam bolǵanymen de, bir stolda 4 adamnan aspaý kerek. Ara qashyqtyq ár adamnyń ortasynda 1,5-2 metr bolý kerek jáne ujymmen korporatıv ne bolmasa toılarǵa tyıym salynǵan», - dedi Almaty oblystyq sanıtarlyq-epıdemıologııalyq qadaǵalaý Departamenti basshysynyń orynbasary Ashat Sharapıev.
