Almaty oblysynda oryn alǵan jer silkinisi Shyńjańda da sezildi
BEIJІŃ. 29 qańtar. QazAqparat - 28 qańtarda Qazaqstannyń Almaty oblysynda bolǵan 6,1 baldyq jer silkinisi QHR Shyńjań-Uıǵyr avtonomdy aýdanynyń shekarasynda da sezildi,
dep habarlady qytaılyq seısmologııalyq ortalyqtan.
Atalmysh ortalyqtyń aqparatyna sáıkes, zilzala oshaǵy Almaty oblysynyń aýmaǵynda 20 shaqyrymdyq tereńdikte ornalasqan.
Alǵashqy 6,1 baldyq qýatty jerasty dúmpýi 29 qańtarda Beıjiń ýaqyty boıynsha saǵat 00.38-de sezildi. Keıin beıjińdik ýaqyt boıynsha saǵat 00.46-da 3,4 baldyq kúshpen 13 metr tereńdikte ekinshi jerasty dúmpýi baıqaldy. 19 mınýttan keıin 3 baldyq kúshpen tórt jerasty dúmpýi sezildi.
Jerasty dúmpýleri, ásirese Іle-Qazaq, Borotala-Mońǵol avtonomdy okrýgterinde jáne QHR-diń Aqsý Shyńjań-Uıǵyr avtonomdy aýdanynda qatty sezildi. Qaza bolǵandar men qıraýlar jóninde aqparat joq.
