Almaty oblysynda órtengen úıden er adamnyń múrdesi tabyldy
TALDYQORǴAN. QazAqparat - Almaty oblysy Talǵar aýdanyna qarasty Jaýǵamys aýylynda jer úı órtendi. Qutqarýshylar órtengen úıden 1955 jylǵy er adamnyń múrdesin tapty, dep habarlaıdy QazAqparat tilshisi.
Oqıǵa 11 qarasha kúni túnde bolǵan.
«Tótenshe jaǵdaılar qyzmetine úıdiń órtenip jatqandyǵy jóninde aqparat 23 saǵat 16 mınýtta tústi. 00:10-da órt aýyzdyqtalyp, 00:20-da tolyqtaı sóndirildi. Qyzyl jalyn 25 sharshy metr jerdi sharpyǵan. Oqıǵa ornynan 1955 jylǵy er adamnyń múrdesi tabyldy. Órttiń shyǵý sebebi anyqtalyp jatyr», - dedi oblystyq TJD baspasóz qyzmetiniń ókili Azamat Jurtbaev.
Vedomstvo ókiliniń aıtýynsha, Jaýǵamys aýylyna eń jaqyn órt sóndirý qyzmeti 70 shaqyrym jerde ornalasqan. Al oqıǵa ornyna eki tehnıkamen 7 órt sóndirýshi barǵan.
