Almaty oblysynda órt sóndirý qyzmetiniń 2 qyzmetkeri para aldy degen kúdikpen ustaldy
ALMATY. QazAqparat - Almaty oblysynda órt sóndirý qyzmetiniń 2 qyzmetkeri para aldy degen kúdikpen ustaldy. Bul týraly Sybaılas jemqorlyqqa qarsy kúres ulttyq bıýrosynyń Almaty oblysy boıynsha departamenti habarlady.
Baspasóz qyzmetiniń habarlaýynsha, Qapshaǵaı qalasyndaǵy órtke qarsy qyzmettiń tótenshe jaǵdaılar bóliminiń basshysy J.Ábdikerimov pen onyń baǵynysty qyzmetkeri, maıor A.Qýandyqov ózara ymyralastyqpen 1 000 dollar kóleminde para alǵan. Bul qarjyǵa laýazymdy tulǵalar «Aq-Saraı» dámhanasyn teksermeı, zańbuzýshylyqtar joıyldy degen jalǵan anyqtama beremiz dep ýáde etken.
Qazirgi tańda kúdiktiler Іle aýdany ІІB ýaqytsha ustaý abaqtysyna qamaldy. Tergeý amaldary jalǵasýda.
