Almaty oblysynda órt saldarynan qaza tapqan adamnyń otbasyna bir mıllıon teńge bóledi
Oblys ákiminiń birinshi orynbasary Lázzat Turlashev qaza tapqan er adamnyń týystary men jaqyndaryna kóńil aıtyp, olarǵa jerleý rásimin ótkizý úshin qoldaý kórsetiletinin, ákimdik bir mıllıon teńge kóleminde materıaldyq kómek beretinin aıtty.
Eske salsaq, 1973 jyly týǵan Taldyqorǵan turǵyny Rahat Kametaev áýejaıdyń qaýipsizdik qyzmetiniń ınspektory bolyp jumys istedi. 15 maýsymda 95 paıyz kúıikpen aýyr jaǵdaıda qalalyq kóp beıindi aýrýhanaǵa tústi. Ol jaraqatynyń asa aýyr bolǵandyǵy saldarynan qaza tapty.
Budan buryn habarlanǵandaı, 15 maýsymda 14.45-te sorǵy stansasynda áýejaı perronynan bir shaqyrym jerde janarmaı quıǵysh órtke orandy. Jalyndy áýejaı órt sóndirý esebiniń kúshteri men TJD qyzmetkerleri 20-30 mınýtta oqshaýlady. Órt saldarynan JJM tehnıgi, 1979 jyly týǵan Rýstam Musabekov jáne 1973 jyly týǵan ınspektor Rahat Kametaev zardap shekti.