Almaty oblysynda órt qaýipsizdiginiń senbiligi ótti
TALDYQORǴAN. QazAqparat - Almaty oblysynda órt qaýipsizdiginiń senbiligi ótti. Sharaǵa Almaty oblystyq TJD jeke quramynyń 400-den astam qyzmetkeri qatysty, dep habarlaıdy QazAqparat tilshisi.
Vedomstvanyń baspasóz qyzmetiniń málimetinshe, Almaty oblysy aýmaǵynda bolǵan órtterdiń basym bóligi jeke turǵyn úı sektorynyń úlesinde.
Al qaıǵyly jaǵdaılardyń basty sebepteri murjanyń bitelýi, peshtiń sańylaý men aqaýy. Sondyqtan jylý maýsymy aıaqtalǵansha qutqarýshylar ár demalys kúnderi jeke turǵyn úılerdi aralap, qaýipsizdik erejelerin túsindirip, peshterdi óz baqylaýyna aldy.
Oblystyq TJD qyzmetkerleri 159 myń úıdi aralap, 200 myńdaı adamǵa órt qaýipsizdigi erejeleri jazylǵan paraqshalardy taratty.
Aıta ketý kerek, naýryzdyń birinen ekisine qaraǵan túni Úsharal qalasynda 7 adam ystan ýlanyp, bir adam qaza tapqan bolatyn.
