Almaty oblysynda órt qaýipsizdigin buzǵan 23 jeke jáne zańdy tulǵa ákimshilik jaýapqa tartyldy

QONAEV. QazAqparat - Almaty oblysynyń taýlarynda órt qaýpi týyndaıtyn maýsymda júzden astam áskerı qyzmetshi kezekshilikke túsedi, dep habarlaıdy QazAqparat tilshisi.

Almaty oblysynyń Tótenshe jaǵdaılar departamenti kúnniń qatty ysýyna baılanysty taýlarda órt qaýpi joǵary bolyp tur.

«Órtke qaýipti kezeń bastalǵannan beri oblystaǵy memlekettik orman qory aýmaǵyndaǵy qurǵaq shópter men ósimdikter 21 ret órtendi. Órtengen aýdan 16 418 ga, materıaldyq shyǵyn 19 mln 681 myń teńge, eldi mekenderden tys jerlerde 148 ga alańda qurǵaq shóp 99 ret órtendi», - dep habarlady TJD baspasóz qyzmeti.

Almaty oblysynyń Talǵar jáne Qarasaı aýdandary men beketterinde órt qaýipi týyndaǵan kezeńde 120 áskerı qyzmetshi jaýyngerlik kezekshilik atqarady. Olar Іle ózeni boıyndaǵy qutqarýshylar bazasyndaǵy azamattyq qorǵanys 28237 áskerı bóliminiń sarbazdary.

«Áskerı qyzmetshilermen orman órtine áreket etý jáne aldyn alý is-sharalaryn júrgizý boıynsha nusqaýlyqtar ótkizildi. Almaty oblysy TJD qyzmetkerleri áskerı qyzmetshilermen birlesip kún saıyn halyqtyń demalatyn oryndarynda reıd júrgizedi. Ol úshin azamattyq qorǵanys kúshteri, jergilikti polıtsııa qyzmeti, orman mekemeleri men JAO-dan 51 adamnan turatyn 10 mobıldi top quryldy», - delingen TJD-nyń habarlamasynda.

Sondaı-aq vedomstvonyń málimetinshe, órt qaýipsizdiginiń belgilengen erejelerin buzǵany úshin 23 jeke jáne zańdy tulǵa ákimshilik jaýapqa tartylyp, 1 mln 483 myń teńge kóleminde aıyppul salyndy.

Almaty oblysynyń TJD oblys turǵyndaryna, týrısterge jáne qonaqtarǵa órt qaýpi bar maýsymda órt qaýipsizdiginiń barlyq talaptaryn saqtaýǵa shaqyrdy.