Almaty oblysynda orman sharýashylyǵy salasynyń laýazymdy tulǵalary ustaldy

TALDYQORǴAN. QazAqparat - Almaty oblysynyń orman sharýashylyǵy men janýarlar dúnıesi salasynyń birqatar laýazymdy tulǵalary birneshe ret para aldy degen kúdikpen ustaldy. Bul týraly QR Sybaılas jemqorlyqqa qarsy is-qımyl agenttiginen habarlandy.

Agenttik Almaty oblysy boıynsha UQKD-men birlesip orman sharýashylyǵy jáne janýarlar dúnıesi salasynyń laýazymdy tulǵalarynyń sybaılas jemqorlyq qylmystaryn jasaý faktilerin anyqtaǵan.

Osylaısha, «Qaratal orman sharýashylyǵy jáne janýarlar dúnıesi bólimi» RMM-niń bastyǵyna sý qorǵaý beldeýleri men sanıtarlyq qorǵaý aımaqtaryn qamtıtyn Balqash kóliniń sý aıdyndarynda balyq resýrstaryn satyp alý, saqtaý jáne tasymaldaýda qamqorlyq kórsetkeni úshin jalpy somasy 129 myń teńge (turmystyq sybaılas jemqorlyq) para alǵany úshin kúlikti retinde sotqa deıingi tergeý bastaldy.

Osyǵan uqsas qylmysty jasaýda Qapshaǵaı orman sharýashylyǵy jáne janýarlar dúnıesi bóliminiń jetekshi mamany-memlekettik ınspektory áshkerelendi.

Ol balyqtardy tyıym salynǵan ádisterimen, sondaı-aq Qapshaǵaı sý qoımasynda tyıym salynǵan jerlerde zańsyz aýlaýǵa jol berýdegi jalpy qamqorlyǵy úshin júıeli negizde 150 myń teńge para aldy degen kúdikke ilindi.

Sotqa deıingi tergeý jalǵasýda.

Kúdiktilerdiń kinásiniń dárejesin anyqtaý túpkilikti sheshimin sot shyǵaratyn bolady.