Almaty oblysynda oralmandardyń esebinen halyq sany ósip otyr

TALDYQORǴAN. Qyrkúıektiń 17-si. QazAqparat /Sandýǵash Dúısenova/ - 1991 jyldan bastap alys jáne jaqyn shetelderden Almaty oblysyna 30 myńnan astam otbasy nemese 100 myńnan astam adam kóship keldi. Tek qana byltyrdyń ózinde oblystyń túrli aımaqtaryna 4 598 otbasy nemese 12 myń adam qonys tepti, olardyń deni Ózbekstan, Qytaı, Mońǵolııa, Reseı, Qyrǵyzstan jáne Tájikstannan oralǵan oralmandar.

Oblystyq kóshi-qon basqarmasynan habarlaǵandaı, oblystyń birqatar aýdandarynda oralmandar otbasynan turatyn tutas aýyldar da bar. Jergilikti ókimetter, olar jańa jaǵdaıǵa tezirek beıimdelip ketýi úshin, qoldan kelgen barlyq sharany qabyldaýda. Beıimdelý baǵdarlamasyna quqyqtyq máseleler boıynsha konsýltatsııalar, memlekettik tildi jáne kóńilderi qalasa - orys tilin úıretý, kásibı daıyndaý, qaıta mamandandyrý, bilim berý jáne áleýmettik qamtamasyz etý sharalary kiredi.

Halyq sanaǵy boıynsha byltyrǵy jyldyń naýryz aıyndaǵy resmı málimetterge súıensek, Qazaqstannyń halqy 16,5 mıllıondy shamalap otyr. Halyq ósiminiń qomaqty úlesin táýelsizdik jyldary týǵan eline oralǵan oralmandar qurap otyrǵanyn aıta ketý kerek. Atap aıtqanda, oralmandardyń esebinen qazaqstandyqtardyń sany 700 myń adamǵa ósip otyr, dep habarlady kóshi-qon basqarmasynan.