Almaty oblysynda oqýshyny zorlaǵan jasóspirimge úkim shyqty
TALDYQORǴAN. QazAqparat - Almaty oblysynda 11 synyp oqýshysyna úkim shyqty. 13 jastaǵy qyzdy zorlady dep aıyptalǵan 16 jastaǵy bala 6 jylǵa bas bostandyǵynan aıyryldy, dep habarlaıdy QazAqparat tilshisi.
Oqıǵa Panfılov aýdanynda bolǵan. Aıyptalǵan bala da, jábirlenýshi qyz da bir mekteptiń oqýshylary. Sondaı-aq, sottalýshy jábirlenýshi tarapqa 1,5 mln teńge materıaldyq jáne moraldyq shyǵyn tóleýi tıis. Al aıyptalýshy tarap, sot úkimimen kelispeımiz dep otyr. Olardyń sózinshe, jigit qyz balany zorlamaǵan. Barlyq jaǵdaı qyzdyń kelisimimen bolǵan deıdi. Al jábirlenýshi tarap bolsa, sottalýshy ádil jazasyn alǵanyn aıtady.
Aıta ketý kerek, bul Panfılov aýdanynda bolǵan alǵashqy jaǵdaı emes. Jaqynda ǵana taǵy da 13 jastaǵy qyz balany 21 jastaǵy jigit zorlady degen is tirkeldi. Al oqıǵa Jarkent qalasynda bolǵan. Qazir atalǵan fakti boıynsha tergeý jumystary júrip jatyr.
