Almaty oblysynda oqýshy qyzdy uıaly telefonnan qalaı toq soqqanyn ákesi aıtyp berdi
TALDYQORǴAN. QazAqparat - Almaty oblysynda 10-synyp oqýshysy uıaly telefondy qýattaǵyshqa qoıyp sóılesip, toq soǵyp mert bolǵan, - dep habarlaıdy QazAqparat tilshisi.
«Telefony balqyp ketken. Telefonnyń izderi betinde qap-qara bolyp tur. Telefon arqyly toq uryp, qulaq jaǵynan mıyna áser etken, mıynan júrekke barǵan. Júregi sol kezde toqtaǵan dedi»,- dep qyzynan aıyrylǵan Aqyljan Ómirbaev qaıǵysymen bólisti.
Marqumnyń jaqyndarynyń sózinshe, qyzy qýattaǵyshty bazarlardyń birinen satyp alǵan.
Esterińizge sala keteıik, buǵan deıin Almaty oblysynda oqýshy qyzdyń qýattaǵyshta turǵan uıaly telefonnyń toǵy soǵyp, mert bolǵanyn habarlaǵan bolatynbyz.
Osydan týra bir jyl buryn Almaty oblysynda týra osyndaı qaıǵyly jaǵdaı bolǵan edi. Ol kezde Qaratal aýdanynyń 14 jastaǵy oqýshysy qýattaǵyshta turǵan telefonynyń jarylyp ketýinen kóz jumdy.
Araǵa týra jyl salyp, oqıǵa bir oblystyń ekinshi aýdanynda qaıtalanyp otyr. Sondyqtan mamandar, uıaly telefondy qýattaǵyshqa qoıyp sóılesýge, telefon janynda uıyqtaýǵa bolmaıtynyn qatań eskertedi. Sebebi bul sizdiń ómirińiz úshin qaýipti.
