Almaty oblysynda notarıýs sýdıaǵa paraǵa berilgen aqshany ıemdenip ketken

TALDYQORǴAN. QazAqparat – Almaty oblysynda jekemenshik notarıýs azamattan sýdıaǵa beriletin para retinde alynǵan 5 mln teńgeni ıemdenip ketken, dep habarlaıdy QazAqparat QR Sybaılas jemqorylyqqa qarsy is-qımyl agenttigine silteme jasap.

Almaty oblysynyń Sybaılas jemqorlyqqa qarsy qyzmeti Taldyqorǵan qalasynyń jeke notarıýsyna sybaılas jemqorlyq qylmysyn jasady degen kúdikpen sotqa deıingi is júrgizýdi bastady.

«Ol azamattyq is boıynsha oń sheshim shyǵarý úshin Taldyqorǵan qalalyq sotynyń sýdıalaryna para berý syltaýymen aldaý jáne senimine qııanat jasaý arqyly 5 mıllıon teńge kóleminde qarajatty ıemdenip, azamatty para berýge arandatty dep kúdiktelýde», delingen habarlamada.

Protsessýaldyq qamaýǵa alý qoldanylǵan joq. Óıtkeni kúdikti qorǵaýshysy qasynda bolǵanda aıybyn moıyndady jáne bolǵan oqıǵaǵa barynsha ókinetinin jetkizdi.

Vedomstvo baspasóz qyzmetiniń habarlaýynsha, kúdikti kinásiniń dárejesi týraly túpkilikti sheshimdi sot shyǵarady.