Almaty oblysynda nájisten ýlanyp qaıtys bolǵan dáriger travmatolog bolǵan
TALDYQORǴAN. QazAqparat - Almaty oblysynda nájiske batqan santehnıkke 3 dárigerdiń kómekke umtylǵany belgili boldy. Hırýrg, travmatolog jáne reanımatolog tereńdigi 2,5 metr bolatyn káriz júıesine túsip, santehnıkti qutqarmaq bolǵan, dep habarlaıdy QazAqparat tilshisi.
«Káriz júıesin tazalap, artynsha nájiske batqan 1967 jyly týǵan santehnık oqıǵa ornynda qaıtys bolǵan. Al oǵan kómekke umtylǵan 1969 jylǵy santehnık pen 1984 jyly týǵan dáriger-travmatolog jansaqtaý bóliminde kóz jumdy. 30 jastaǵy hırýrg dáriger aýrýhanada jatyr. Oqıǵa ornyna sońynan kelgen reanımatolog din-aman», - dep málim etti oblystyq TJD baspasóz qyzmeti.
Esterińizge sala keteıik, biz buǵan deıin Eńbekshiqazaq aýdanynyń Shelek aýylyndaǵy aýrýhananyń aýlasynda 3 adamnyń nájisten ýlanyp qaıtys bolǵanyn habarlaǵan bolatynbyz.
