Almaty oblysynda naýqastarǵa tegin ota jasaldy
TALDYQORǴAN. QazAqparat - Almaty oblysynda naýqastarǵa tegin ota jasaldy. Almatydan arnaıy Sarqan aýdanyna kelgen medıtsına ǵylymdarynyń doktory quny bir mln. teńgege baǵalanatyn eki operatsııany bir saǵatqa jetkizbeı sátti aıaqtady, dep habarlaıdy QazAqparat tilshisi.
Qalqansha bezi isinip, aýrýy asqynǵan jannyń biri Aıgúl Erbaeva. Sarqandyq turǵyn bul derttiń azabyn 10 jyldan beri tartyp keledi. Tek Almaty syndy iri qalalarda jasalatyn ota ol úshin óte qymbat bolǵan. Aýrýy asqynǵan jandarǵa quny bir mln. teńgege jýyqtaıtyn osy operatsııany hırýrg qaıyrymdylyq retinde tegin jasap berdi. Tegin ota jasatqan taǵy bir naýqas - 78 jastaǵy áje. Qalqansha bezine jasalǵan qos operatsııa da sátti aıaqtaldy.
Sarqan aýrýhanasynda bolashaqta kúrdeli operatsııalar udaıy jasalyp turýy múmkin. Nurlan Aryn aýdannyń bas dárigerimen osy jóninde keńesti. Sonymen qatar dáriger aýdandaǵy áriptesterine sheberlik saǵatyn ótkizip, tájirıbesimen bólisti. Nurlan Muhtaruly elimizde balalar baýyrynyń zaqymdanǵan bólikterin alyp tastaý sııaqty operatsııalardy alǵash qolǵa alǵan maman. Qazirge deıin 25 myń adamǵa ota jasap, sonyń 800-den astamyn tegin iske asyrdy.
