Almaty oblysynda Narynqol aýdany qurylady
ASTANA. QazAqparat - Almaty oblysynda Raıymbek aýdanynan jer bólý arqyly jalpy aýdany 711 937 ga bolatyn jańa aýdan qurylady, dep habarlaıdy QazAqparat tilshisi.
Bul týraly Almaty oblysynyń ákimi Amandyq Batalov Ortalyq kommýnıkatsııalar qyzmetinde ótken baspasóz máslıhatynda málim etti.
Eske sala ketsek, Bıyl tamyz aıynda Almaty oblysy máslıhatynyń otyrysynda oblys quramynda ákimshilik ortalyǵy Narynqol aýyly bolatyn jáne Almaty oblysy Raıymbek aýdanynan jer bólý arqyly jalpy aýdany 711 937 ga bolatyn jańa aýdan qurý jóninde QR Úkimetine usynys jasaldy jáne jańa qurylǵan aýdanǵa «Narynqol» ataýyn berý týraly respýblıkalyq onomastıkalyq komıssııanyń qaraýyna usynys jiberildi.
"Úkimet qaýlysy men Elbasy sheshimi shyqqan soń, jańa aýdannyń qurylatynyn halyqqa qýanyshpen habarlaǵaly otyrmyz. Narynqolǵa barǵanda, jastardyń jumys izdep Almatyǵa aǵylǵanyn kórdik, qalada bazar jaǵalap júrgenderin kórdik. Sol sebepti burynǵy Narynqol aýdanyn qaıta qurý týraly usynys jasadyq. Endi protsedýralyq jumystar qaldy. Ázirge arnaıy komıssııa quryp, Narynqoldyń ǵımarattaryn tekserip, kelesi jyldyń bıýdjetine jospar qurýymyz qajet", - dedi A.Batalov Ortalyq kommýnıkatsııalar qyzmetinde.
Aıta keteıik, Almaty oblysynda 16 aýdan bar, qaıta qurylatyn Narynqol aýdany 17-shi bolyp tirkelmek.
