Almaty oblysynda myńnan asa órt deregi tirkeldi
TALDYQORǴAN.QazAqparat - Bıyl Almaty oblysynda 1095 órt deregi tirkeldi. Saldarynan 17 adam kóz jumyp, 24-i jaraqat alǵan, dep habarlaıdy QazAqparat tilshisi.
Budan tys ýly gazdan 23 turǵyn ýlanyp, jartysyna jýyǵy tilge kelmesten kóz jumǵan. Bul jóninde oblystyq Tótenshe jaǵdaılar departamentiniń mamandary óńirlik kommýnıkatsııalar qyzmetinde ótken brıfıng barysynda málim etti.
Mamandardyń pikirinshe, halyq áli de bolsa, qaýipsizdik erejelerine nemquraıly qaraıdy. Sondyqtan, tótenshe jaǵdaı qyzmetkerleri jylytý maýsymy aldynda aılyq ótkizip, úıdi-úılerdi aralap júr. Jıi órt tirkeletin aımaqtardy tekserip, qysqa daıyndyq barysyn qadaǵalaýǵa kirisken. Bolashaqta jeke turǵyn úılerge dabyl qondyrǵysyn ornatý da josparlarynda bar. Sonymen qatar, brıfıng barysynda sýdaǵy qaýipsizdik pen orman órtin boldyrmaý maqsatynda jasalyp jatqan sharýalar jaıynda da habardar etti. Eń bastysy mamandar qazir tótenshe jaǵdaılar sanyn azaıtýǵa barynsha kúsh salyp jatqanyn aıtady.
