Almaty oblysynda myńǵa jýyq nysan Ashyq jobasynan shyǵaryldy
«Almaty oblysynda 8 933 nysan Ashyq pılottyq jobasyn qoldanady. Monıtorıng toby shaǵyn jáne orta bıznestiń 5 099 sýbektisin tekserip, qosymshany durys paıdalanbaǵan faktilerdi anyqtady. Tıisinshe jobanyń 997 qatysýshysy Ashyq platformasynan shyǵaryldy. Tsıfrlyq damý, ınnovatsııalar jáne aeroǵarysh ónerkásibi mınıstrliginiń derekteri boıynsha 2021 jylǵy 10 maýsym men 15 qyrkúıek aralyǵyndaǵynda bizdiń oblys azamattarynan sanıtarııalyq-karantındik rejımdi buzǵan 3159 adam anyqtaldy», - delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Onyń ishinde, «qyzyl» mártebesi bar 2 346 jáne «sary» mártebesi bar 813 adam tirkelgen. «Qyzyl» mártebesi bar tulǵalarǵa qatysty jalpy 3 894 175 teńge bolatyn 89 aıyppul salyndy.
Sondaı-aq, «sary» mártebesi bar azamattarǵa qatysty úı karantınindegi sharttardy saqtaý qajettiligi týraly talaptary bar 295 qaýly berildi.
