Almaty oblysynda myń jarym adamdy kene shaqqan
«Almaty oblysy kene entsefalıti boıynsha endemııalyq aımaqta ornalasqan. Maýsym bastalǵannan beri aýdandar men qalalardyń medıtsınalyq uıymdaryna 1486 adam júgingen, onyń 58%-y — 14 jasqa deıingi balalar. Ótken jyldyń sáıkes kezeńimen salystyrǵanda kene shaǵýmen 1025 adam medıtsınalyq kómekke júgingen, onyń 64%-y — 14 jasqa deıingi balalar. Bul kene shaǵý sanynyń 31%-ǵa artqanyn kórsetedi.
Bıyldyń sáýir aıynan bastap orman jáne qalalyq saıabaqtar men skverler aýmaǵynda kenege qarsy ý sebý jumystary júrgizildi. Birinshi týr 968 ga aýmaqty qamtydy, bul 11 aýdan jáne 2 qala»,- delingen Almaty oblystyq sanıtarııalyq epıdemıologııalyq qadaǵalaý departamenti baspasóz qyzmetiniń habarlamasynda.
Atap aıtqanda, Aqsý aýdanynda 18 ga, Alakól aýdanynda -51 ga, Eńbekshiqazaq aýdanynda - 235,5 ga, Eskeldi aýdanynda - 55 ga, Qarasaı aýdanynda - 100 ga, Kerbulaq aýdanynda - 40 ga, Raıymbek aýdanynda – 24 ga, Sarqan aýdanynda – 38 ga, Talǵar aýdanynda – 263,5 ga, Uıǵyr aýdanynda-55 ga, Kegen aýdanynda-60 ga jer óńdeldi., Taldyqorǵan qalasynda – 13 ga, Tekeli qalasynda 15 gektar jer kenege qarsy óńdelgen.
«Aıta ketý kerek, kenege qarsy óńdeýdiń ekinshi kezeńi maýsymnyń birinshi jartysynda josparlanǵan. Bul Almaty oblysyndaǵy aýa-raıynyń qolaısyzdyǵyna baılanysty. Іs-sharalar bastalar aldynda mindetti túrde aqparattyq belgiler qoıylady, azamattarǵa kenege qarsy óńdeýden keıin 3 táýlik ishinde saıabaqtarǵa, skverlerge jáne tabıǵı oshaqtarǵa nazar aýdarý jáne barmaý qajet.
Kene entsefalıtiniń aldyn alýdyń negizgi sharasy vaktsınatsııa ekenin atap ótken jón. Almaty oblysynda egýdi dárigerdiń keńesinen keıin turǵylyqty jeri boıynsha aýmaqtyq emhanalardan tegin alýǵa bolady»,- dep tolyqtyrdy atalǵan vedomstvonyń baspasóz qyzmetinen.